ICC World Cup 2019 | विराटचा विश्वचषकाच्या बाद फेरीत फ्लॉप शो...

2011 साली विराट कारकीर्दीतल्या पहिल्या विश्वचषक स्पर्धेत खेळला होता. तो विश्वचषक भारताने जिंकला असला तरी विराटला त्या विश्वचषकाच्या उपांत्यपूर्व, उपांत्य आणि अंतिम सामन्यात मिळून 68 धावाच करता आल्या होत्या. 2015 साली ऑस्ट्रेलियातल्या विश्वचषक स्पर्धेत भारताचं आव्हान उपांत्य फेरीतच संपुष्टात आलं होतं. या विश्वचषकाच्या बाद फेरीत विराटला दोन सामन्यात अवघ्या चार धावाच करता आल्या. विराटचं विश्वचषकाच्या बाद फेरीतलं हे अपयश यंदाही कायम राहिलं. मॅन्चेस्टरमध्ये न्यूझीलंडविरुद्धच्या उपांत्य सामन्यात विराट अवघ्या एका धावेवर माघारी परतला. त्यामुळे टीम इंडियाचं विश्वचषकातलं आव्हानही संपुष्टात आलं. पाहूयात लागोपाठ तीन विश्वचषकातल्या बाद फेरीच्या सामन्यांमध्ये विराट कोहलीची कामगिरी कशी आहे? विश्वचषक 2011 उपांत्यपूर्व फेरी - 24 धावा, 33 चेंडू विश्वचषक 2011 उपांत्य फेरी - 9 धावा, 21 चेंडू विश्वचषक 2011 अंतिम फेरी - 35 धावा, 49 चेंडू विश्वचषक 2015 उपांत्यपूर्व फेरी - 3 धावा, 8 चेंडू विश्वचषक 2015 उपांत्य फेरी - 1 धाव, 13 चेंडू विश्वचषक 2019 उपांत्य फेरी - 1 धाव, 6 चेंडू